赛前分析:巴西主場開餐 搵哥倫比亞做早點
来源:与联网 时间:2008-10-15 16:15:52 编辑:
世界盃南美洲區外圍賽，巴西主場迎戰哥倫比亞，巴西靈魂卡卡上仗復出，球隊即回勇以四比○大破委內瑞拉，上次贏完智利返主場打和玻利維亞噩夢應不會重演。對手哥倫比亞四連敗衰到貼地，作客難逃被大炒厄運，「讓球主勝」捧得過。（有線足球台61周四早上8時50分直播）
巴西對上兩場主場外圍賽先後打和阿根廷及玻利維亞，其中上月作客贏完智利，返主場被弱旅玻利維亞悶和最為人詬病，不過今時唔同往日，卡卡正式復出取代朗拿甸奴領軍，上場大炒委內瑞拉，整隊巴西表現脫胎換骨，況且經過上次訓，鄧加同球員一定更打醒十二分精神，就算今場有阿祖安奴停賽缺陣，但頂替祖奧或柏圖近期球會都有突出表現，配合大勇羅賓奴絕對有本錢強攻對手。
哥倫比亞四連敗
哥倫比亞近況極差，連熱身賽在內已四連敗，佢近八場比賽未贏過之餘仲要入得一球，攻力弱得可憐，佢亦係今屆外圍賽入波最少球隊，九戰僅入四球，要巴西身上爆冷真係唔容易。
今場唯一擔心係巴西上場作客委內瑞拉之後，要經過十五個鐘頭飛機同車程先至返回今場比賽場地里約熱內盧，不過領隊鄧加為畀球員休息，特別取消周一一課操練，球員得以休養生息，相信可將影響減到最低，無損波童捧「讓球主勝」信心。
暂无相关新闻