赛前分析:華盛頓搏命主勝起革命
来源:与联网 时间:2008-10-16 17:43:07 编辑:
美職聯獨腳戲由兩支近況奇差球隊飛，戲碼就唔多吸引，但望真原來係搵銀良機，因為有地利華盛頓聯隊剩低兩場常規賽一定要全勝，先有一線生機殺入季後賽，相反作客新英倫革命已經入圍，贏輸都冇相干，彼此戰意有極大對比，所以呢場捧華盛頓聯隊係正路之選！（開賽時間：周五早上7:30）
計晒所有正式比賽，華盛頓聯隊已經十場不勝，踢得咁差完全係畀傷兵所累，數數手指，佢有美迪亞特、謝夫卡路爾、賓奧臣、費列特同馬些路加拿度總共五個傷兵，仲要全部係中場球員，戰績唔滑落至奇啦！好在呢場波有靈魂人物謝美摩蘭奴坐完波監復出，中前場有番重心，借勢反彈有幾難？
其實新英倫革命都唔好得幾多，佢近十場正式比賽都係贏得一場咁大把，鬼叫革命一早夠分踢季後賽咩！依家革命東岸有四十三分排第三，緊隨其後紐約紅牛同肯薩斯巫斯只係得三十六分，美職常規賽剩番兩場踢完，換句話講革命輸晒都夠分踢季後賽，梗係放軟手腳抖番啦，相反華盛頓聯隊要搏多幾分先有機會，鬥心唔使懷疑。
新英倫革命踢風流波
補充一點，呢場係華盛頓聯隊常規賽最後一次主場出擊，點都要全取三分先有交代，何況往績方面以華盛頓聯隊佔優，開1.8倍主勝一都唔出奇。
暂无相关新闻