万人迷回归搞旺曼联个市

欧联进入淘汰赛阶段后，愈来愈多散户参与，今晚名牌球队曼联登场，主场大战AC米兰成为各界焦点，淨系碧咸回归奥脱福球场呢一点已经够晒话题，相信会引到好多球迷捱眼睇波，直接带旺走地投注气氛。

先睇曼联对AC，曼联首回合作客劣势下反胜，为次回合奠定良好基础。虽然AC大战经验丰富，但唔少行家眼中，呢班波已经唔系以前队。睇番今场盘口，红魔鬼让到半一，有庄家仲让到一球，骤眼睇落让多，但盘口正正反映两班波实力差距。曼联主场唔打守势波，让半一系合理盘口，上盘可留意。

另一场皇马主场对里昂，皇马今季主场绩靓到晕，首回合落后紧，今场毫无悬念会狂攻对手。今场皇马足足要让球半，个盘真系离谱，好多散客都合埋眼照捧上盘，确实非常牙烟。大户对亚洲盘兴趣不大，反观静静鸡搵靓位吸大盘，考虑到呢场赛事形势，估计两队会炮製唔少入球，入球大值得一试。

雷丁散晒益打比郡

同日有场英冠亦可留意，雷丁主场对打比郡，雷丁刚于英足盃挑战阿士东维拉，临场获大户支持，曾经一度领先两球，可惜后劲不继输番。经过激战之后，班波已经散散，今晚难让打比郡，要下盘！